طبعا و احنا في الشتاء لحد اخر شهر فبراير لازم ناخد بالنا من كام حاجة كدة عشان نحافظ على سلامتنا و نحافظ على عربيتنا :
و دي من اهم الحاجات اللي لازم ناخد بالنا منها
وقت الشابورة تعمل ايه ؟!
اولا بسبب ان الشابورة بتبقى صعب اوي المشي فيها لازم تركن وقت الشابورة و شغل الانتظار و النور الخافض عشان اللي يقرب منك ياخد بالو و ما يلبسش فيك و تركن في حالة انك مش شايف قدامك الاسفلت
لو شايف الاسفلت بس في شابورة امشي عادي بس سرعتك متزودهاش عن 50كم/ساعة عشان لو في حاجة تقدر تمسك فرامل و ربنا يستر .
وقت المطر !
اوعى تمشي و انت مش معاك مساحات عشان في ناس بتستهين بالامر ده و دي كارثة طبعا .
سرعتك بردو زي وقت الشابورة او اقل عشان زحلقة المطرة وحشة اوي .
شغل الانتظار و الفلوج الخفيف .
بالنسبة بقى للعربيات اللي لحد موديل 2000
معظم العربيات اللي لحد موديل 2000 بتكون كربراتير مش انجكشن فلازم تسخن العربية كويس قبل ما تتحرك لمدة من خمس الي عشر دقائق و يفضل انك تسخنها لحد ما تلاقي المروحة اشتغلت , لان لو مسخنتش هتبطل منك كتير و ده باثر على الموبينة و البوجيهات و البطارية طبعا و بيقلل من العمر الافتراضي بتعهم .
لو معاك موتوسكل بردو لازم تسخن قبل ما تتحرك بردو .
اتمنى انكم تكونوا استفدتوا و نتمنى لكم السلامة على الطريق .
اكتشاف المزيد من مجلة سوق السيارات.. .. عالم السيارات بين يديك
اشترك للحصول على أحدث التدوينات المرسلة إلى بريدك الإلكتروني.
