معلومة مهمة لازم تعرفها قبل تجديد رخصة القيادة

من النهاردة هتعمل شهادات الباطنه والنظر داخل وحدات المرور. وأي شهادة خارج المرور لا تعتمد حتي وان كانت من مستشفي حكومي. تكلفه الشهادات بالمرور ١٥٠ جنيه وبتحتاج صورتين.

 لو هتجدد الرخصة لازم تجيب معاك شهادة المؤهل أيا كان لو مش معاك هيرجعوك تجيبه الا لو مكتوب في بطاقة الرقم القومي وحتي لو مكتوب في الرخصة هيرجعوك !! والوقت غالي .

* المطلوب لتجديد رخصة القيادة :

1- الرخصة المنتهية .

2- اصل وصوره للمؤهل.

3- بطاقه الرقم القومي او جواز سفر.

4- شهادات باطنه ورمد هتعملهم في المرور او في المكان اللي هيوجهوك اليه.

5- يكون معاك ٣ صور شخصية.

6-  والباقي هتشتريه من الوحدة ملفات وخلافه.

وقت تخليص الرخصه في نفس اليوم او التالي لورايح مستعد.

* تكلفه تجديد الرخصة الخاصة :

٥٥٠ج جنية للخزينة

١٥٠ج جنية للشهادات باطنه ورمد

٤٥ج ملف وحافظة

٢٠ج شهادة مخالفات في حال لم يكن لديك اي مخالفات

٢٥ ج شهادة بيانات مش كل الناس بتحتاج بيانات

+ مصاريف تصوير ورق اكثر او اقل من ٢٠ ج

……

الشريط الجديد اللي هايتلزق علي كل العربيات في مصر

اي حد هايروح يرخص اليومين دول هايلزقوه واللي مرخص غالبا هايلزقهوله في الكماين

طيب اية المعلومات المتاحة عن الموضوع ده

كل عربية هايكون ليها باركود لما الظابط يعمل سكان عليه يجيب كل المخالفات وبيانات العربية

وهايتربط برقم موبايلك ويجيلك رسالة بكل مخالفة جديدة تتسجل لعربيتك

والمفروض بداية من شهر 6 هاينزل ابلكيشن تقدر تعرف كل حاجة عن المخالفات وعن عربيتك وتسدد منه والمفروض كمان انك هاتقدر تعمل فحص عربيتك في كل بنزينات وطنية ويعملوا سكان للكود وتدفع رسوم ترخيصك فوري ومتروحش المرور خالص،

وجارى التنفيذ ويعمم..