بخصوص تأجيل فترة تركيب الملصق الالكتروني ، نفي مصدر مسؤول ما تردد عن صحة مد الفترة الخاصة بالسماح لتركيب الملصق الالكتروني الي شهر ابريل ، و أكد أن 20 اكتوبر هو الموعد النهائي لتفعيل الملصق الالكتروني .
خطوات و طريقة عمل الملصق الالكتروني بالتفصيل .
-أول حاجة لازم تكون رايح للمرور بعربيتك.
-هيتم الموافقة على وضع اللاصق بناء على بيانات رخصتك .
-هيجي معالك احد افراد اللاصق و يلزقها بنفسه قدامك من ورا المراية اللي في البرابريز الامامي.
– كده مبروك عليك وضع اللاصق و تبتدي تخلي بالك من الاشارات و اللوايح المرورية اللي في الشارع.
- ولو غيرت ازاز عربيتك أو احتاجت تغير الملصق الالكتروني فهيكون سعره 75 جنيه .
طريقة عمل اللاصق:
اولا الرادارات الجديدة كلها ديجيتال و كفائتها عالية و دقيقة … فبتلقط المخالفات في ثانية الا ثانية.
ثانيا بيتم تسجيل المخالفة على سيستم المرور .
ثالثا بيجيلك رسالة على الموبيل اللي انت مسجل رقمه في المرور بتقولك بكل هدوء النيابة العامة – مركز المعلومات
“عزيزي المواطن تم تسجيل مخالفة على اللوحه رقم العربية:
و مكان المخالفة:
بتاريخ :
و بقيمة :
و يقولك عدد المخالفات و الاجمالي كام .
عيوب الملصق الالكتروني :
انه هيغرمك كتير لو انت مش بتاخد بالك من سرعتك و في عيب تاني لسه مش واضح هل لو في امين انت ضيقته هيزرعك مخالفة اليكترونيه ولا لأ .
اكتشاف المزيد من مجلة سوق السيارات.. .. عالم السيارات بين يديك
اشترك للحصول على أحدث التدوينات المرسلة إلى بريدك الإلكتروني.
